സമയം

അസൈനാർക്ക
അൻപത് കൊല്ലം
പേർഷ്യയിൽ പോയി
സമയം കളഞ്ഞു.

നാണുവേട്ടൻ
അൻപത്തിനാലു കൊല്ലം
തെങ്ങിനു തടമിട്ടും
പുര കെട്ടുമ്പോൾ ഓല എടുത്തുകൊടുത്തും
സമയം കളഞ്ഞു.

ആലിക്കുട്ടിമാഷ്
അൻപത്തിയെട്ട് കൊല്ലം
കുട്ടികളെ പഠിപ്പിച്ച് പഠിപ്പിച്ച്
സമയം കളഞ്ഞു.

കാളി
അറുപത് വർഷം
പുറം പോക്കിൽ കൊള്ളി നട്ടും
കണ്ടോരടെ കറ്റ മെതിച്ചും
സമയം കളഞ്ഞു.

കണാരേട്ടൻ
അറുപത്തിനാലു വർഷം
കൊടി പിടിച്ചും ജാഥ നയിച്ചും
അടിയും ചവിട്ടും കൊണ്ടും
സമയം കളഞ്ഞു.

കേമൻ രാമേട്ടൻ തന്നെ
എൺപത് കൊല്ലമല്ലേ
ചങ്ങലയ്ക്കുള്ളിൽ കിടന്ന്
സമയം കളഞ്ഞത്… ക്